ლეგენდარული ჩეხი ჰოკეისტი, დომინიკ ჰაშეკი ამბობს, რომ მას რუსეთის უშიშროების საბჭოს თავმჯდომარის მოადგილე და ყოფილი პრეზიდენტი, დმიტრი მედვედევი ემუქრება.
„დღეს 2 წერილი გავგზავნე. ერთი საერთაშორისო ოლიმპიურ კომიტეტის პრეზიდენტთან და აღმასრულებელ საბჭოსთან. მეორე კი ყინულის ჰოკეის საერთაშორისო ფედერაციის პრეზიდენტთან და საბჭოს წევრებთან. მათ შევატყობინე, რომ რუსეთის ყოფილი პრეზიდენტი, მედვედევი მოკვლით დამემუქრა. ამას გარდა, სხვა დეტალებთან ერთად, ხაზი გავუსვი როგორი მნიშვნელოვანი იქნება მათი გადაწყვეტილება მომდევნო თვეებში, კვლავ უზრუნველყონ დახმარება ისეთი წესების შექმნაში, რომელთა მეშვეობითაც სპორტული შეჯიბრებები რუსეთის ომის რეკლამა არ იქნება და მათ გამო ხალხი არ დაიხოცება“, – დაწერა გუშინ ჰაშეკმა X-ზე.
აღნიშნულს ТАСС-თან ინტერვიუში გამოეხმაურა დმიტრი მედვედევის დამხმარე, ოლეგ ოსიპოვი.
„დმიტრი ანალოიევიჩი თვლის, რომ ყოფილ მეკარე ჰაშეკს აწუხებს მძიმე ფსიქოლოგიური დაავადების ფორმა – რუსოფობია, რომელიც გამოვლენილია ადევნებაზე ბოდვის ფორმით“, – აღნიშნა ოსიპოვმა.
ამასთან, მან გაიმეორა მედვედევის სიტყვები:
„მას [ჰაშეკს] ვურჩევდი, რომ გზაზე ფრთხილად გადავიდეს, არ დალიოს ლუდი შეუმოწმებელ ადგილებში და რეგულარულად მოინახულოს ფსიქიატრი.“