“საბას” ორგზის ლაურეატი პაატა შამუგია სოციალურ ქსელში დავით დოიაშვილის გათავისუფლებას ეხმიანება.
“აბსოლუტურად ყველა სფეროს მიაკითხავს რეპრესიები. დღეს დოი არის, ხვალ სხვა იქნება. დიქტატურა ასეთია. როგორც ფრენდმა დაწერა, ჩვენი კულტმინისტრი (მართლა არ ვიცი არც სახელი, არც გვარი. არც მაინტერესებს) დოის ახლობელი და კარის მეზობელი ყოფილა. ჰოდა, შეინარჩუნეთ სახე და სანამ ჯერ კიდევ გვიანი არ არის, ზურგი აქციეთ მაგ გველის ბუდეს, ვისაც აქ ცხოვრება გინდათ, თორემ საკუთარი შვილების დახვრეტასაც მოგთხოვენ და რაც მთავარია, შეასრულებთ, რადგან უკვე ბოლომდე შესრუტული ეყოლებით სისტემას.
#ცეცხლიოლიგარქიას“- წერს პაატა შამუგია.
დავით დოიაშვილი “ვასო აბაშიძის სახელობის თეატრის” ხელმძღვანელის თანამდებობიდან გაათავისუფლეს. კულტურის სამინისტრო საბაბად “ვალდებულებების შეუსრულებლობას” ასახელებს.