პარტია „საქართველოსთვის“ წევრმა, ბექა ლილუაშვილმა საგამოძიებო კომისიის გუშინდელ სხდომაზე ამავე პარტიის ლიდერის, გიორგი გახარიას მისვლის შესახებ ისაუბრა.
„თუ ვინმე ფიქრობს, რომ არმისვლით ან არსაუბრით საზოგადოებას უფრო დიდ საქმეს უკეთებს, ვიდრე საუბრით, ეს მათი გადაწყვეტილებაა. ჩვენი გზა, ჩვენი გეგმა და სტრატეგია არის ასეთი. ამის გამო ყველამ თავი დაანებოს სპეკულაციას და თავის დღის წესრიგს მიხედოს.
ჯერ გამოდიან და ლაპარაკობენ რაღაც ერთობაზე, მერე გამოდიან და სალომე ზურაბიშვილს, რომელიც შეიძლება, იყოს ამ პლატფორმის ერთადერთი ეფექტური შესაძლებლობა, ამაზე პირდაპირ შეტევას აკეთებენ, ილანძღებიან და მერე ლაპარაკობენ რაღაც შეთანხმებებზე, რაღაც შეთანხმების დარღვევაზე“, – განაცხადა ბექა ლილუაშვილმა „ტვ პირველთან“ ინტერვიუში.
შეგახსენებთ, ოპოზიციური პარტიების თქმით, გახარიამ დაარღვია შეთანხმება, რომელიც ზემოაღნიშნულ კომისიაზე არმისვლას გულისხმობდა.