“ლეიბორისტული პარტიის” ლიდერი, შალვა ნათელაშვილი “ჩირინას” მფლობელის, რევაზ ვაშაკიძის “BMG • ბიემჯი”-სთვის მიცემულ ინტერვიუს პირად გვერდზე ეხმაურება და “ყვარლის ბაგას” ხელმძღვანელის, პაპაშვილის მსგავსად მასაც “ჩამოყალიბებულ თაღლითს” უწოდებს:
“ჩემი საგამომძიებლო ჭკუით ეს კაციც ჩამოყალიბებული თაღლითია, არაფრით ნაკლები პაპაშვილზე და ამიტომ ერთ იზოლატორშია მათი ადგილი. ორივემ ძალიან კარგად იცოდა რასაც აკეთებდნენ, ერთად წამლავდნენ ხალხს და განსაკუთრებით ბავშვებს. უბრალოდ ფული ვერ გაიყვეს და მერე გაუსკდათ.”- წერს შალვა ნათელაშვილი სოციალურ ქსელში.
ცნობისთვის, “რადიო თავისუფლების” ჟურნალისტური გამოძიების მიხედვით, “ყვარლის ბაგამ”, რომლის მფლობელიც ბიზნესმენი, ლაშა პაპაშვილია, სასამართლო დავა მოუგო “ჩირინას” (“ბიუ-ბიუს”), რომელსაც 4.7 მილიონის გადახდა დაეკისრა. ასევე გაირკვა, რომ ნედლი რძის მწარმოებელი უდიდესი ფერმის მფლობელი “ყვარლის ბაგა” ძროხებს ევროკავშირში აკრძალული ქათმის ნაკელით კვებავდა. პაპაშვილის კომპანია რძით ამარაგებს – “სანტეს”, “სოფლის ნობათს”, “აგროჰაბს” და “რძის ლაბორატორიას”.