დომინიკის რესპუბლიკაში, ცნობილი ღამის კლუბის, Jet Set-ის სახურავის ჩამონგრევის შედეგად, 113 ადამიანი დაიღუპა. ინფორმაციას უცხოურ წყაროებზე დაყრდნობით რუსთავი 2 ავრცელებს.
ადგილობრივი ხელისუფლების ცნობით, სანტო დომინგოში მდებარე ცნობილ ღამის კლუბში სახურავის ჩამონგრევის დროს, მინიმუმ, 300 ადამიანი იმყოფებოდა.
მედიის ცნობით, სახურავი ღამის 1:00 საათზე, მომღერალ რუბი პერესისა და მისი ორკესტრის გამოსვლის დროს ჩამოინგრა. პერესის ცხედარი შემთხვევის ადგილზე, ოთხშაბათს დილით იპოვეს.
მედიის ინფორმაციით, 33 ცხედრის ვინაობა ამ დრომდე უცნობია.