სასულიერო პირი პეტრე კოლხი წიგნის პრეზენტაციას აანონსებს, რომელიც “აკრედიტაცია საზღვრების გარეშე” პრეზიდენტის, გიორგი ფხაკაძის სახლის ეზოში გაიმართება. ამის შესახებ პეტრე კოლხი “ფეისბუქის” პირად გვერდზე წერს:
“16 ოქტომბერი… შაბათი… საღამოს შვიდი საათი… ბეთლემის აღმართი, ნომერი სამი!…
ჩემი ახალი წიგნის წარდგენა მალე იქნება გიორგი ფხაკაძის სახლში!.. მალე დღეს და რიცხვს შეგატყობინებთ.
მოკლედ, კალენდარსაც გადავხედე, 16 ოქტომბერი არის შედარებით მზიანი ამინდი, თან შაბათია და ვინც მუშაობთ ხელი არ შეგეშლებათ.
გიორგი ფხაკაძის სახლს გააჩნია საოცარი ეზო სასწაული ხედებით… მადლობა მას, რომ გვითმობს სივრცეს, სადაც გაიმართება ჩემი ახალი წიგნის წარდგენა…
საღამოს შვიდი საათისთვის გელოდებით, რეგულაციის დაცვით, მართალია ღია სივრცეა, მაგრამ იქონიეთ პირბადე.
დასწრება თავისუფალია.
ზემო ბეთლემის ტაძრიდან არის შემოსასვლელი, ყველა მოგასწავლით.
ვისაც სურვილი გაქვთ, გელოდებით!.. ეს არის ზოგადიც და კონკრეტული მოპატიჟებაც!“ – წერს პეტრე კოლხი სოციალურ ქსელში.
მამა პეტრე კოლხი წიგნის – ,,ქრისტე წამებული ქრისტიანებისგან” წარდგენა სოლოლაკში, ბეთლემის აღმართის 3 ნომერში გაიმართება.