„სიმღერა ვიცი, რომ კარგად გამოსდის და მე მგონია, რომ ჯობია სიმღერა გააგრძელოს“ – კალაძე პაატა ბურჭულაძეზე

თბილისის მერმა, კახა კალაძემ მედიასთან კომენტარი გააკეთა მსოფლიო ბანის, პაატა ბურჭულაძის ინიციატივის შესახებ.

ბურჭულაძე გამოვიდა ინიციატივით, რომ საქართველოს მოქალაქეები 8 აპრილს პარლამენტის წინ შეიკრიბონ და ღამე გაათენონ.

„არ ვიცი, პაატა ბურჭულაძე, რას აპირებს – სიმღერა ვიცი, რომ კარგად გამოსდის და მე მგონია, რომ ჯობია სიმღერა გააგრძელოს“, – თქვა კალაძემ.

ამასთან, დედაქალაქის მერმა ასევე ისაუბრა საქართველოს მეხუთე პრეზიდენტის, სალომე ზურაბიშვილისა და ოპოზიციის შესახებ.

„დაპირისპირება დიდი ხანია გრძელდება. სალომე ზურაბიშვილის ლიდერობა ვერ შედგება. ეს რადიკალური დაჯგუფება სალომე ზურაბიშვილს იყენებდნენ და თვითონაც ამ რადიკალური დაჯგუფების წარმომადგენელი გახდა, თავისი სტატუსიდან გამომდინარე, რომელიც მას პრეზიდენტის შემთხვევაში ჰქონდა. დღეს, მას [სალომე ზურაბიშვილს] არანაირი სტატუსი არ გააჩნია და შესაბამისად, ამ რადიკალურ დაჯგუფებასაც, როგორც უსტატუსო სალომე ზურაბიშვილი არ სჭირდება. ეს არის მოცემულობა“, – განაცხადა კალაძემ.