გარემოზე ზემოქმედების შეფასების სკოპინგის ანგარიშის თანახმად, თბილისი-რუსთავის საავტომობილო მაგისტრალის პროექტში ცვლილებები შედის.
შედეგად, საპროექტო გზა ფონიჭალას აღარ გაივლის. ის ხიდით გადავა მტკვრის მარცხენა სანაპიროზე, რის შემდეგაც, კვლავ სახიდე გადასასვლელით გადაკვეთს მდინარე მტკვარს და დაბრუნდება მტკვრის მარჯვენა სანაპიროზე.
„კმ 5+400 -დან კმ 5+860 მონაკვეთში საპროექტო ტრასა განლაგებულია მდ. მტკვრის მარცხენა ტერასაზე. კმ 5+710-თან საპროექტო საავტომობილო გზა კვეთს მდ. მტკვრის მარცხენა გვერდითი შენაკადის ხევს, სადაც იგეგმება მეორე სახიდე გადასასვლელის მოწყობა.
მდინარის მარცხენა სანაპიროზე გარდაბნის გზატკეცილთან დამაკავშირებელი კვანძის (IC1) შემდებ, კმ 7+030-დან კმ 7+140-მდე მესამე სახიდე გადასასვლელით საპროექტო ტრასა კვეთს მდინარე მტკვრის კალაპოტს, ამ მონაკვეთში მდინარე მტკვარი ორად იტოტება და შუაში წარმოქმნილია ე.წ „კუნძული“, – აღნიშნულია დოკუმენტებში.
ამასთან, კმ 7+140-დან ტრასის ბოლომდე საპროექტო გზა კვლავ მარჯვენა ნაპირზე გადმოვა.
„გადის საწარმოო, მცირე მონაკვეთზე – დასახლებულ ზონას. კმ 7+370-დან კმ 7+640-მდე საპროექტო ტრასა განლაგებულია საავტომობილო გზისთვის მოწყობილ ყრილზე“, – აღნიშნულია სკოპინგის ანგარიშში.
დაბოლოს, თბილისი-რუსთავის გზის აღნიშნული მონაკვეთის ბოლოს მცირე ზომის ოვალური კვანძი მოეწყობა.
კითხვა განაგრძეთ ბმულზე.