თბილისის მერიის განცხადებით, მტკვრის მარცხენა სანაპიროზე, რესტორან გაგრის მიმდებარედ საავტომობილო მოძრაობა შეიზღუდება.
მერიის ცნობით, ტერიტორიის გზის სავალ ნაწილზე ბზარები შეინიშნება, რისთვისაც საჭიროა გადაუდებელი სამუშაოების ჩატარება.
“უსაფრთხოების მიზნით, მიმდინარე წლის 7 აპრილიდან გზის დაზიანებულ მონაკვეთში, უკიდურეს მარჯვენა ზოლში საავტომობილო მოძრაობა დროებით შეიზღუდება”. – წერს მერია.