„რა იმათი საქმეა, ჩვენს ქვეყანაში როგორ ვიცხოვრებთ” – ვისზე საუბრობს მეუფე იაკობი?

ბოდბელმა მთავარეპისკოპოსმა, მეუფე იაკობმა სადღესასწაულო წირვა ჩაატარა.

ქადაგებისას ის საზოგადოებრივ-პოლიტიკურ საკითხებსაც შეეხო.

„200 წელზე მეტია, რუსეთის უღელქვეშ ვართ და ეს ვითომ ევროპელებიც არ გვაცდიან, წესიერად ვიცხოვროთ. რა იმათი საქმეა, ჩვენს ქვეყანაში როგორ ვიცხოვრებთ, რაში შესტკივათ გული, ხალხის სახელით რომ გველაპარაკებით?..

მე მკითხეს ახლა, მომწონს იმათი გადაწყვეტილებები? – ჩვენ რომ ახლა უკრაინასავით ვიძახოთ, რომ NATO-ში შევიდეთ, ჯარი 2008 წელს რომ დაუთმეს ტერიტორიები და ნაწილი რუსებს მისცეს, ნაწილი სხვა მხარეს დაუტოვეს, დღეს რომ დავრბივართ და ეკონომიკის ჩამოშლა გვინდა, ევროპა ევროპას რომ იძახი და საქართველო თუ არ გიყვარს, ახალგაზრდებს მივმართავ, ჯერ ხომ საქართველო უნდა შეიყვაროთ?.. გარე აქტორებსაც მივმართავ, ჩვენ გვინდა ნორმალური ურთიერთობა თუნდაც მტრებთან, რომ ცივილიზებული ურთიერთობა გვქონდეს, ლაპარაკი შეგვეძლოს. მე ადრე მივმართე ქალბატონ ყოფილ პრეზიდენტს, ასე სამარცხვინოდ არ უნდა იქცეოდეს ადამიანი, უმრავლესობას ჰკითხეთ, რა გვინდა და რა არა და ნუ გვიშლით ხელს განვითარებაში. ქალბატონი ურსულა ცენტრალურ აზიაში გაიქცა და საქართველო რომლისამე უკან ვდგავართ? – სირცხვილია, ნუ ვმტრობთ ჩვენს ქვეყანას“, – აღნიშნა მეუფე იაკობმა.