„ჯორჯიან უოთერ ენდ ფაუერი“ წყალმომარაგების შეზღუდვაზე განცხადებას ავრცელებს და მოსახლეობას აფრთხილებს.
„ხვალ, 4 აპრილს, ჯორჯიან უოთერ ენდ ფაუერი ვაკის რაიონში, აბაშიძის ქუჩა N9-ის მიმდებარედ წყალმომარაგების სტაბილურობისთვის ქსელზე აუცილებელ სამუშაოებს ჩაატარებს.
სამუშაოების ფარგლებში, წყლის ნაკადების ეფექტურად მართვის მიზნით ქსელზე ჩამკეტ-მარეგულირებელი ურდული მოეწყობა. კომპანიის ტექნიკური ჯგუფები სამუშაოებს ხვალ, 4 აპრილს, საღამოს 22:00 საათზე დაიწყებენ და მთელი ღამის განმავლობაში ინტენსიურ რეჟიმში შეასრულებენ.
აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც ხვალ, 4 აპრილს, საღამოს 22:00 საათიდან 5 აპრილის დილის 10:00 საათამდე წყალმომარაგება შეეზღუდება:
ვაკის რაიონში:
მცხეთის N1, N2, N4, N6. ფალიაშვილის N30-N36. (ლუწები) N1-N33 (კენტები). კორნელი კეკელიძის N1-N15 (კენტები) N2-N18 (ლუწები), ჭავჭავაძის გამზ. N14-N32 (ლუწები). ვასილ ბარნოვის N67-N83 (კენტები) N70-N94 (ლუწები). ირაკლი აბაშიძის N1-N21 (კენტები) N2-N20 (ლუწები). შროშის, რაფიელ ერისთავის, ექვთიმე თაყაიშვილის, ბაზალეთის, ნაფარეულის“, – ნათქვამია ინფორმაციაში.