“ოცნების” საგარეო უწყების ცნობით, ესპანეთში, სლოვენიასა და ვატიკანში ახალი ელჩები დაინიშნენ

“ოცნების” საგარეო საქმეთა სამინისტროს ცნობით, ესპანეთში, სლოვენიასა და ვატიკანში საქართველოს ახალი ელჩები დაინიშნენ.

უწყების ინფორმაციით, ესპანეთის სამეფოში საქართველოს საგანგებო და სრულუფლებიან ელჩად ალექსანდრე ჭკუასელი დაინიშნა, სლოვენიის რესპუბლიკაში კონსტანტინე სურგულაძე, ხოლო ვატიკანში –  დავით მექვაბიშვილი.

ალექსანდრე ჭკუასელი:

2003 წლიდან საგარეო უწყებაში და საქართველოს დიპლომატიურ მისიებში სხვადასხვა პოზიციას იკავებდა. ალექსანდრე ჭკუასელი იყო ბარსელონაში საქართველოს გენერალური კონსული. მას მინიჭებული აქვს საგანგებო და სრულუფლებიანი დესპანის დიპლომატიური რანგი;

კონსტანტინე სურგულაძე:

საგარეო უწყებაში 1997 წლიდან მუშაობს. სხვადასხვა დროს იყო ნიდერლანდების სამეფოსა და იტალიის რესპუბლიკაში საქართველოს საგანგებო და სრულუფლებიანი ელჩი. ასევე იყო საქართველოს სახელმწიფო მინისტრი დიასპორის საკითხებში. მინიჭებული აქვს საგანგებო და სრულუფლებიანი ელჩის დიპლომატიური რანგი;

დავით მექვაბიშვილი:

სხვადასხვა დროს მუშაობდა საგარეო საქმეთა სამინისტროში, საქართველოში იერუსალიმის, როდოსისა და მალტის წმინდა იოანეს სახელობის სამხედრო სუვერენული ორდენის საელჩოში, ასევე იყო ააიპ კარდინალ პიო ლაგის ფონდის დირექტორი, მინიჭებული აქვს მალტის ორდენის ღირსების ორდენის კავალერის ჯილდო;