ჩეხეთის რესპუბლიკაში, ქალაქ ოლომოუცში სამგზავრო მატარებელი რელსებიდან გადავიდა. ამის შესახებ IDNES იუწყება.
შემთხვევის დროს მატარებელში შვიდი ადამიანი იმყოფებოდა, სამი მათგანი კი დაშავდა.
შემთხვევის ადგილზე რკინიგზის სამსახურის თანამშრომლები, პოლიცია და ქალაქის სახანძრო-სამაშველო სამსახური მუშაობს.
„პირველადი ინფორმაციით, სამგზავრო მატარებელი რელსებიდან გადავიდა, სავარაუდოდ ტექნიკური ხარვეზის გამო. ზუსტი გარემოებების დადგენა მიმდინარეობს“, – აცხადებს ქალაქის პოლიციის სპიკერი.