მიმდინარე აქციების დროს დაკავებული 11 აქტივისტის – ანდრო ჭიჭინაძის, ონისე ცხადაძის, გურამ მირცხულავას, ლუკა ჯაბუას, ჯანო არჩაიას, რუსლან სივაკოვის, ვალერი თეთრაშვილის, გიორგი ტერიშვილის, ირაკლი ქერაშვილის, რევაზ კიკნაძისა და სერგეი კუხარჩუკის – პროცესი მოსამართლე ნინო გალუსტაშვილმა 24 აპრილამდე გადადო.
გალუსტაშვილმა განმარტა, საქმე განსახილველად მას გუშინ დაეწერა, რადგან მასალები მოცულობითია, საქმის გასაცნობად ადვოკატებს სხდომის გადადება შესთავაზა.
ადვოკატები გალუსტაშვილის შეთავაზებას არ დაეთანხმნენ. მათი განცხადებით, თარიღის ცვლილება ტექნიკური პროცესის დარღვევაა.
შეგახსენებთ, 11-ვე დაკავებულს ბრალი საქართველოს სისხლის სამართლის კოდექსის 225-ე მუხლის მეორე ნაწილით აქვს წარდგენილი, რაც ჯგუფურ ძალადობაში მონაწილეობას გულისხმობს. მუხლი სასჯელის სახედ და ზომად 4-დან 6 წლამდე თავისუფლების აღკვეთას ითვალისწინებს.