ტელეკომპანია „კავკასიი“ ხელმძღვანელი, ნინო ჯანგირაშვილი სოციალურ ქსელში ახალ პოსტს აქვეყნებს.
ის მედიის შესახებ კანონს ეხება.
„გუშინ აღარ შეგაწუხეთ, მაგრამ რომ იცოდეთ მაინც: ქოცებმა გუშინ მესამე მოსმენით მიიღეს კანონები, რომლითაც ტელევიზიების ფუნქციონირება ფაქტიურად შეუძლებელი ხდება. უცხოელებთან ურთიერთობა გვეკრძალება, არათუ გრანტის აღება. გარდა ამისა, ბექაურს შეუძლია ნებისმიერ წინადადებაზე დაგვასანქციროს და დაგვხუროს. ბოლო ორი წელია იმით ვარ დაკავებული, რომ უბრალოდ არ დავიხუროთ და იქნებ შემოვატრიალო სიტუაცია. თუმცა, რამდენად გამომივა უკვე აღარ ვიცი. მე ვეცდები. მაგრამ რომ იცოდეთ მაინც, რომ ერთ დღეს შეიძლება გაიხედოთ და არცერთი ტვ აღარ იყოს. ვიცი, ისედაც უამრავი დარდი გაქვთ ყველას და ჩვენი კარგიც ბოლო ბოლო. უბრალოდ ინფორმაციას გაწვდით“, – წერს ჯანგირაშვილი.
შეგახსენებთ, „ქართულმა ოცნებამ“ სამი მოსმენით მიიღო მაუწყებლობის შესახებ კანონში ორი ცვლილება, რომლითაც მაუწყებლების დაფინანსების და მუშაობის სტანდარტები დარეგულირდება.