“თქვენს ამ ფორმატს ძალიან დიდი მადლობა. მთელი მოსახლეობა გიყურებთ და შემოგციცინებთ თვალებში” – ემზარ კვიციანი წულუკიანს

დღეს „ნაციონალური მოძრაობის“ ხელისუფლების საქმიანობის შემსწავლელი დროებითი საგამოძიებო კომისიის“ მორიგი სხდომა იმართება.

“ეს იყო კოლექტიური ღალატი, ჩაფიქრებული ჩვენი ქვეყნის წინააღმდეგ, 2006 წლის 13 ივნისს შეხვდნენ ერთმანეთს, სააკაშვილი და პუტინი, ქალაქ სოჩაში, იქ იყო მოლაპარაკებული ეს ყველაფერი. მე 8 წელი ვიყავი რუსეთში და ძალიან ბევრი რამ გავიგე, თვითონ საჯარისო ფორმირებები ამის კურსში არ იქნებოდნენ. არ მგონია გოგავასაც, ან რომელიმე სარდალს რმე სცოდნოდა მაგის შესახებ, რადგან ეს იყო პოლიტიკური გადაწყვეტილება. ყურაშვილიც იმიტომ იღებს თავის თავზე, რადგან მახსოვს ქალბატონი თეას გამოსვლა, რომ სამხედროებს ჩვენ არ ვერჩით, პაუსიხმგებლობის წინაშე არ დავაყენებთო.

სამხედროც უნდა დადგეს პასუხისმგებლობის წინაშე, მეც და ნებისმიერი სხვაც, ვისაც დანაშაული მიუძღვის საქართველოს სახელმწიფოს წინაშე. აი, მაშინ იქნება სამართლიანობა, მერე რა რომ “პაგონები“ აქვს, მერე რა რომ ჯარისკაცია. თქვენს ამ ფორმატს ძალიან დიდი მადლობა. ძალიან დიდი თხოვნაა არა მარტო ჩემი, არამედ მთელი მოსახლეობა გიყურებთ და შემოგციცინებთ თვალებში.” – განაცხადა კვიციანმა.