ყოფილი პრეზიდენტი მიხეილ სააკაშვილი სოციალურ ქსელში დროებითი საგამოძიებო კომისიის“ სხდომას ეხმიანება, სადაც განხილვის მთავარი თემა რუსეთ-საქართველოს 2008 წლის ომი იყო.
“ქართული ჯარის მიმართ სიძულვილი კიდევ ერთხელ დადასტურდა ქართველ გენერალთან დღევანდელი საუბრით.
ზუსტად ასე ელაპარაკებიან “ეფ ეს ბეს” თანამშრომლები ტყვედ ჩავარდნილ უკრაინელებს.
საინტერესოა სად იყვნენ იმ დღეებში ეს “კაცები, რომლებიც არ ჩამოუვარდებიან კაცობაში გენერალს”?”- წერს მიხეილ სააკაშვილი.
ცნობისთვის, დღეს „ნაციონალური მოძრაობის“ ხელისუფლების საქმიანობის შემსწავლელი დროებითი საგამოძიებო კომისიის“ მორიგი სხდომა გაიმართა.განხილვის მთავარი თემა კვლავ რუსეთ-საქართველოს 2008 წლის ომია. კომისია წულუკიანის თავმჯდომარეობით ბოლო რამდენიმე დღეა 2008 წლის აგვისტოს ომთან დაკავშირებით ქართველ გენერლებს დაკითხვებზე იბარებს.
დღეს კომისიამ აღნიშნული ომის მონაწილეს, გენერალ მამუკა ყურაშვილს მოუსმინეს. შეხვედრის დროს ყურაშვილსა და წულუკიანს შორის სიტყვიერი დაპირისპირება მოხდა.