პარლამენტთან, საპროტესტო აქციაზე 2 მოქალაქე დააკავეს.
არსებული ინფორმაციით, მომიტინგეებმა საპროტესტო ბანერების გაშლა სცადეს, თუმცა პოლიციამ მათ ამის უფლება არ მისცა და “დაუმორჩილებლობის ბრალდებით” დააკავა.
შემთხვევა 9 აპრილის ქუჩაზე მოხდა, მაშინ როცა აქციის მონაწილეები ტროტუარზე იდგნენ. ერთ-ერთი დაკავებული, აქტივისტი თაკო კურატიშვილია – მას ხელში ბანერი ჰქონდა, წარწერით “ანწუხელიძე უკვდავია”.
ახალგაზრდები, სავარაუდოდ, განყოფილებაში გადაჰყავთ, თუმცა მათი ზუსტი ადგილმდებარეობა ჯერ უცნობია.
შეგახსენებთ, რომ პარლამენტის შენობასთან საპროტესტო აქცია მიმდინარეობს.მომიტინგეები ამბობენ, რომ ე.წ. საგამოძიებო კომისიის მხრიდან ხდება ქართული ჯარის გასამართლება.