სომხეთის პრემიერ-მინისტრმა, ნიკოლ ფაშინიანმა, ქვეყნის სამ ყოფილ პრეზიდენტს მიმართა.
„თუ არ გაქვთ სალაპარაკო, გაჩერდით და ხმა ჩაიგდეთ! თუ მზად ხართ დებატებისთვის, მოდით ვისაუბროთ. გაფრთხილებთ, გაგანადგურებთ და თქვენს პოლიტიკურ ცხედრებს გაიტანენ. ეს სამივეს გეხებათ.
თავი დაანებეთ ჩემს ნერვებზე თამაშს, ფეხქვეშ გაგთელავთ. ან მოერიდეთ, გაჩუმდით და ნუ ლაპარაკობთ ამ თემაზე, ან პირდაპირ დებატზე მივდივართ, სხვა ვარიანტი არ არსებობს“, – განაცხადა ფაშინიანმა.
შეგახსენებთ, რამდენიმე თვის წინ, ფაშინიანმა განაცხადა, რომ 1994 წლის ზავის შემდეგ მოლაპარაკებები მთიანი ყარაბაღის აზერბაიჯანის შემადგენლობაში დაბრუნებას ეხებოდა.
ამ განცხადებას მოჰყვა ფაშინიანის მწვავე კრიტიკა ყოფილი პრეზიდენტების მხრიდან. ფაშინიანმა ისინი დებატებში გამოიწვია, რაზეც უარი მიიღო.