როგორი ამინდი იქნება უქმეებზე – ამის შესახებ მეტეოროლოგი კობა ფარტენაძე სოციალურ ქსელში წერს.
„პარასკევს და შაბათ-კვირას, საქართველოში მოსალოდნელია გაზაფხულისთვის დამახასიათებელი ანტიციკლონური ამინდის პირობები.
ატმოსფერული მაღალი წნევა მოწმენდილი და მზიანი ამინდის საწინდარი გახდება, ტემპერატურის მნიშვნელოვანი მომატებით.
კონკრეტულად, შაბათს მაქსიმალური ტემპერატურა – ქვეყნის დაბლობსა და ბარში +28, +30 გრადუსს მიაღწევს“, – განმარტავს ფარტენაძე.