“არ დატოვოთ გაზის ონკანები ღია მდგომარეობაში“- „თბილისი ენერჯი“ საზოგადოებას აფრთხილებს

რეაბილიტაციის გამო გაზის მიწოდება სამგორის რაიონში დროებით 4800 აბონენტს შეუწყდება, – ინფორმაციას ამის შესახებ „თბილისი ენერჯი“ ავრცელებს.

„სამგორის რაიონში, ბურჯანაძის ქუჩაზე გზის სარეაბილიტაციო სამუშაოების გამო, 28 მარტის 10:00 საათიდან 29 მარტის 10:00 საათამდე გაზის მიწოდება დროებით შეწყდება.

გაზმომარაგების აღდგენა დაიწყება 29 მარტის 10:00-დან და სრულად აღდგება 20:00 საათამდე.
თბილისი ენერჯი ბოდიშს გიხდით აბონენტებს შექმნილი დისკომფორტის გამო.

გთხოვთ ყურადღებით იყავით. არ დატოვოთ გაზის ონკანები ღია მდგომარეობაში“, – ნათქვამია განცხზდებაში.