რუსეთის გენერალური პროკურატურის ცნობით, რუსეთის მიერ ოკუპირებული დონეცკის თვითგამოცხადებული რესპუბლიკის სასამართლომ, უკრაინის მხარეს მებრძოლ 60 წლის ქართველ ჯარისკაცს – ნადიმ ხმალაძეს, 14 წლით თავისუფლების აღკვეთა მიუსაჯა.
რუსული გამოცემა „ტასის“ ინფორმაციით, ხმალაძე უკრაინაში ჩავიდა 2022 წლის მარტიდან 2023 წლის მარტამდე პერიოდში, სადაც გაიარა წვრთნები; შემდეგ კი სხვადასხვა შეიარაღებული ფორმირების შემადგენლობაში მონაწილეობა მიიღო სამხედრო ოპერაციებში ქალაქ ირპენში, გოსტომელში, ბუჩაში, კიევის ოლქში, დონეცკის თვითგამოცხადებული რესპუბლიკის ძალოვანი სტრუქტურების, ასევე რუსეთის შეიარაღებული ძალების სამხედრო მოსამსახურეების წინააღმდეგ.