“არ გამიკვირდება, ჩემი მოქმედება ისე შეაფასონ, როგორც სამეურვეო საბჭოს წევრებმა” – ამის შესახებ ჟურნალისტმა ვასილ ივანოვ-ჩიქოვანმა პირველი არხის ბორდის წევრების გადაწყვეტილების საპასუხოდ განაცხადა.
ვასილ ივანოვ-ჩიქოვანის თქმით, ბრალდება, რომ პირველი არხის სარედაქციო პოლიტიკაში რეჟიმის ჩარევაზე ხმამაღლა მოსაუბრე ჟურნალისტები ტელევიზიის ხელში ჩაგდებას ცდილობდნენ, სიმართლის პატარა მარცვალსაც კი არ შეიცავს.
ჩვენს ქვეყანაში, სადაც ჟურნალისტიკის დღეს შევხდით ისე, რომ მზია ამაღლობელი არის ციხეში იმ ქმედებისთვის, რომლისთვისაც არანაირი, არც ლოგიკური, არც სამართლებრივი და არც სამართლიანი მიზეზი არსებობს, რომ ადამიანი საპყრობილეში იყოს, ნამდვილად არ გამიკვირდება, რომ ახლა ჩემი მოქმედება შეაფასონ, როგორც ის სამეურვეო საბჭოს წევრებმა შეაფასეს, რომ ეს არის წინასწარი განზრახვით ჯგუფური მცდელობა ხელში ჩაგვეგდო ჯერ ტელევიზია და შემდეგ ეს პროცესები მიგვემართა სახელმწიფო გადატრიალების მიმართულებით. ასეთი კუდი რომ მოაბან ჩვენს განზრახვას საქმიანი პროცესი წაგვემართა და სიმართლე გვეთქვა, ნამდვილად არ გამიკვირდება”, – ამბობს ვასილ-ივანოვ ჩიქოვანი.
ნინო ზაუტაშვილი პირველი არხის სამეურვეო საბჭოს თავმჯდომარეს ადებს და პირდაპირ ამბობს, რომ მიმდინარე პროცესების უკან ვასილ მაღლაფერიძე დგას.
რა იდეებიც არ უნდა მიეწოდებინათ მათ ერთმანეთისთვის და ბრძანებები გაეცათ საზოგადოებრივი მაუწყებლის მენეჯმენტისთვის, ეს ყველაფერი დავიწყოთ იქიდან, რომ იყო უკანონო, იმიტომ რომ ეს მოკვლევა იყო ერთი ადამიანის, ბორდის თავმჯდომარის, ვასიკო მაღლაფერიძის მითითებით, განცხადებითა და ბრძანებით, რომ დაეწყოთ მოკვლევა, არანაირი კენჭის ყრა, არანაირი გადაწყვეტილების მიღება და შეთანხმება ამას საფუძვლად არ ედო. ეს იყო მისი ერთპიროვნული გადაწყვეტილება. რაღაც ჭორაობის ტოლფასი, გაუგებარი გასაუბრებები სრულიად, რა თქმა უნდა, რაც არ უნდა იძახონ, ეს არის დაშინების მცდელობა”, – ამბობს ნინო ზაუტაშვილი.
შეგახსენებთ,რომ საზოგადოებრივი მაუწყებლის სამეურვეო საბჭომ მათი პოლიტიკისადმი კრიტიკულად განწყობილი რეპორტიორების წინააღმდეგ საკითხის მოკვლევა დაასრულა.პირველი არხის ბორტის წევრებმა არხის ტელევიზიის მენეჯმენტს ვასილ ივანონ-ჩიქოვანის, ნინო ზაუტაშვილის, კახა მელიქიძისა და გია იმნაშვილის საქმის პროკურატურაში წაღება შესთავაზეს.
სამეურვეო საბჭოს წევრებმა შეხვედრაზე ის ჟურნალისტები, რომლებიც ქვეყანაში არსებული მოვლენების ობიექტურად გაშუქებასა და საზოგადოებისთვის “ქართული ოცნების” ინტერესებისგან დაცლილი მედიაპროდუქტის ჩვენებას ითხოვდნენ, სახელმწიფოს ეროვნული ინტერესების წინააღმდეგ მოქმედებაში დაადანაშაულეს.
წყარო