“გესტაპოს ფორმა დააკვდებოდა, ნეტავ რატომ არ აცვია”- ვის შესახებ საუბრობს თაკო ჩარკვიანი?

ოპოზიციონერი პოლიტიკოსი, თაკო ჩარკვიანი “ნანუკას ფონდის” დაყადაღებას ეხმაურება.

“ახლა გამოდის ტვ იმედის ეთერში ნინო წილოსანი, ნანუკა ჟორჟოლიანის ფონდზე საუბრობს, თან არღვევს უდანაშაულობის პრეზუმფციას და თავის “ვარაუდებით” პირდაპირ დანაშაულზე საუბრობს, გესტაპოს ფორმა დააკვდებოდა წილოსანს, ნეტავ რატომ არ აცვია, ამ -საქართველოს “ბიუჯეტში” “ჩაწილებულ-ჩაწილოსანებულს” მოუხდებოდა, ტრენდული იქნებოდა მისთვის….

ხშირად ვამბობ ხოლმე და გავიმეორებ:

ვახ ჩემო დაბრენდილო და დაბრედილო საქართველოვ !
ეს -ოცნების ხელისუფლების “ჯეიმს ბონდები” და “ სიაფანდები”, ქვეყნის ბიუჯეტში ჩაწილებულები ფონდებზე ალაპარაკდნენ…… ტფუჰ”– წერს თაკო ჩარკვიანი.

ცნობისთვის, პროკურატურის მოთხოვნით ის ფონდები, რომლებიც აქციის დაჯარიმებული მონაწილეებისთვის ჯარიმებს იხდიდნენ და დაკავებულთა ოჯახებს ფინანსურად ეხმარებოდნენ დაყადაღდა, მათ შორის არის – “prosperitygeorgia.org” – ნიკა გილაურის ფონდი, “Human Rights House Tbilisi” • თბილისის ადამიანის უფლებათა სახლი და “ნანუკას ფონდი”.