ბათუმის დრამატული თეატრის მსახიობს 6 თვით ხელფასი შეუწყვიტეს. აღნიშნულის შესახებ მსახიობი სოციალურ ქსელში წერს:
“6 თვით შემიჩერა ხელფასი. განმარტებაში წერს (სამხატვრო ხელმძღვანელი) რომ გახსნისთანავე არ წარვადგინე ბიულეტენი. ბატონო ნუკრი, ჩემო საყვარელოო, სანამ არ დაიხურება ბიულეტენი არ გაძლევენ. ხო დავხურე 13 მარტს და მოგართვი?
ამით კიდევ ერთხელ ადასტურებ თუ რაოდან მნიშვნელოვანი პერსონა ვარ მე შენთვის :))) ასეც ვიცოდი,” -დაწერა მეგი კობალაძემ.
ბრძანებაში, რომელსაც მეგი კობალაძე თავად ავრცელებს, თეატრის ადმინისტრაცია განმარტავს, რომ თეატრის რეჟისორის თანაშემწის სამსახურეობრივი ბარათიდან გამომდინარე, მსახიობი მეგი კობალაძის ჯანმრთელობის მდგომარეობა არ იყო ისეთი განსაკუთრებული, რომ ვერ ეთამაშა სპექტაკლი.