თემურ ქათამაძესთან რეაბილიტაციისთვის განკუთვნილი პროდუქციის ნაწილი, იზოლატორის ადმინისტრაციამ გულშემატკივრებს არ შეატანინა. ქათამაძეს 48 დღიანი შიმშილობის შემდეგ, ექიმმა დაბალანსებული კვება დაუნიშნა:
“48 დღიანი შიმშილობის შემდეგ, საავადმყოფოდან მეორე დღესვე იზოლატორში დაბრუნებულ თემურ ქათამაძეს ექიმის მიერ დაენიშნა სპეციალური დიეტა.
დღეს გულშემატკივრებმა მიიტანეს რეაბილიტაციისთვის განკუთვნილი პროდუქცია, რისი ნაწილის შეტანაზეც იზოლატორის ადმინისტრაციამ უარი განაცხადა.
ადმინისტრაცია ფსიქოლოგიური ზეწოლის იარაღად იყენებს შეხვედრებსაც, ატყუებენ რა მისულ ადამიანებს.
18 მარტს, 13:00 საათზე, თბილისის საქალაქო სასამართლოში მისი საქმის განხილვაა და იმედი მაქვს, რომ ბევრნი ვიქნებით მხარდასაჭერად!
თავისუფლება თემურ ქათამაძეს!
თავისუფლება პოლიტიკურ ტყვეებს!” წერს სოციალურ ქსელში “გახარია საქართველოსთვის” წევრი აკაკი გვიანიძე.