საქართველოს მესამე პრეზიდენტი, მიხეილ სააკაშვილი სოციალური ქსელით განცხადებას ავრცელებს.
„რამხელა სიურპრიზია ოლიგარქის განაჩენი არა?
დამპყრობლის ნება პირდაპირ აღსრულდა, ეს არის მათი პასუხი იმაზე რომ არ ჩავაბარე საქართველო, იმისთვის რომ პირველად საუკუნეების განმავლობაში გავბედეთ და ჩამოვაყალიბეთ წარმატებული ქართული სახელმწიფო.
მას შემდეგ რაც ვერაფერი ვერ მიპოვეს, პრაქტიკულად სამუდამო პატიმრობა მომისაჯეს საპრეზიდენტო ოფისის ოფიციალური ხარჯებისთვის.
ასე ისჯება ივანიშვილის მაფიოზური კლანის მიერ ქვეყნისთვის თავდადება და სამშობლოს სიყვარული.
ვერ დაგვაშინებენ!
ძალა ერთობაშია!“, – აღნიშნულია პოსტში.
შეგახსენებთ, ცოტა ხნის წინ ე. წ. პიჯაკების საქმეზე სასამართლომ განაჩენი გამოაცხადა. მოსამართლე ბადრი კოჭლამაზიშვილმა სააკაშვილს 9 წლით თავისუფლების აღკვეთა მიუსაჯა.