დღეს, 11 მარტს, ქობულეთის, ბათუმისა და ხელვაჩაურის მუნიციპალიტეტებს გაზის მიწოდება შეუწყდათ.
„სოკარ ჯორჯია გაზის“ ცნობით, მიზეზი ცენტრალურ მაგისტრალზე მომხდარი ავარიაა.
„სოფელ ცეცხლაურთან დაზიანდა ცენტრალური გაზსადენი მილი, რომელიც გაზის ტრანსპორტირების კომპანიის საკუთრებაშია. უკვე ადგილზეა სამუშაო ჯგუფი და დაიწყება აღდგენითი სამუშაოები.
ვვარაუდობთ რომ ხვალ, 12 მარტის დილიდან დავიწყებთ გაზის მიწოდების აღდგენას“, – უთხრეს „ბათუმელებს“ კომპანია სოკარში.