რეჟისორ დათა თავაძის ინფორმაციით, თეატრისა და კინოს წარმომადგენლები ღამეს პარლამენტთან გაათევენ.
“დღეს თეატრისა და კინოს წარმომადგენლები ვათენებთ პარლამენტის კიბეზე. შემოგვიერთდით. სოლიდარობა სტუდენტებს. სოლიდარობა ჩვენს დაპატიმრებულ კოლეგებს. თავისუფლება რეჟიმის ტყვეებს”, – წერს თავაძე.
შეგახსენებთ, რომ პროტესტში მონაწილე თეატრალური უნივერსიტეტის სტუდენტთა ნაწილს, უნივერსიტეტის ეთიკის კომისიის გადაწყვეტილებით, სტატუსი შეუწყდა. სტუდენტური მოძრაობის ინფორმაციით, სტატუსის შეწყვეტაზე შეტყობინება უნივერსიტეტის ათმა სტუდენტმა მიიღო.
ასევე გუშინ გახდა ცნობილი, რომ ათობით გაფიცული სტუდენტი 5000 ლარით დააჯარიმეს.