აქციების მონაწილე პედაგოგი სოფო როინიშვილი კიდევ ერთი, ამჯერად გუმათის საჯარო სკოლიდან გაათავისუფლეს – ამის შესახებ ის სოციალურ ქსელში წერს:
“უკვე მეორე სამსახურიდანაც- ნახვამდისო…მეტი დამაჯერებლობისა და მრავალფეროვნებისათვის, ამჯერად ჩაცუცქული მამების განცხადების საფუძველზე. დირექტორს აშანტაჟებდნენ ბავშვების სკოლიდან გაყვანით. კაი ბიჭებმა გადაწყვიტეს ჩემი დღის წესრიგისა და ცხოვრების გაკონტროლება.
რა საცოდავები ხართ თუ ხვდებით, ვინც ამ რეჟიმს ემონებით?! მე, ორი შვილის დედა, რომელიც ორივე სამსახურიდან გამიშვით ისე, რომ საკუთარ სინდისთან წინააღმდეგობაშიც არ მოსულხართ… ვერ წამაქცევთ! ბოლომდე შეგაკვდებით!
ძირს რუსი ბიძინა!” წერს ის.
შეგახსენებთ, სოფო როინიშვილი 24 თებერვალს ქუთაისის მე-6 საჯარო სკოლიდან გაათავისუფლეს.