სოციალურ ქსელში, გუშინ ტრაგიკულად დაღუპულ, გიგი ზარანდიასთან დაკავშირებით მოქალაქე პოსტს ავრცელებს, რომელსაც უცვლელად გთავაზობთ.
„გუშინ მეტეხის ხიდთან რომ მანქანა გადავარდა, ქალაქში შექმნილ საცობზე დავიწუწუნე გაუაზრებლად… დღეს დილას კი ვიგებ, რომ ის ახალგაზრდა გარდაცვლილი ბიჭი ჩემი ბიძაშვილის შვილის მეუღლეა. ახლად დაქორწინებულები იყვნენ, ბავშვს ელოდებოდნენ, ქორწილი უნდა გადაეხადათ და ბევრი გეგმა ჰქონდათ ცხოვრებაში! რით განუგეშო ბავშვო, არც კი ვიცი, ფეხქვეშ მიწა გეცლება და ფეხზე როგორ უნდადადგე“,- წერს ნათესავი.
4 მარტს თბილისში, მეტეხის ხიდიდან მტკვარში ავტომობილი გადავარდა. შედეგად ახალგაზრდა მამაკაცი გარდაიცვალა – გარდაცვლილი გიგი ზარანდიაა. მყვინთავებმა მდინარეში ჩავარდნილი ავტომობილი 17 მეტრის სიღრმეზე იპოვეს. არსებული ინფორმაციით, ახალგაზრდა კაცი ხობელია, მას ოჯახი ერთი წლის შექმნილი ჰქონდა.