ჟურნალისტი და ტელეკომპანია “კავკასიის” დირექტორი, ნინო ჯანგირაშვილი ბიძინა ივანიშვილის ამერიკულ კავშირებთან დაკავშირებით ვრცელ პოსტს ავრცელებს, რომელსაც უცვლელად გთავაზობთ:
“მაინც რომ ვიცოდეთ, რას ცდილობს ივანიშვილი შტატებში. რამდენიმე ლობისტური ჯგუფი ყავს დაქირავებული, რომლებიც ჯერჯერობით უშედეგოდ დაძრწიან და ტრამპთან მისასვლელ გზებს ეძებენ. რა თქმა უნდა, მათ მიერ მომზადებული მესიჯბოქსი არ ეხება საქართველოსა და შტატებს შორის ურთიერთობების დალაგებას და საქართველოსთვის რამე ხეირს. ეგ ფეხებზე კიდიათ. მთავარი ამოცანა არის ივანიშვილის ძალაუფლებაში დატოვება და მისი ძალაუფლების აღიარებისმაგვარი რამე. რა თქმა უნდა, სანქციების მოხსნაც.
მომზადებული აქვთ რამდენიმე მესიჯი, მათ შორის ერთი – ჩვენ კაი ხალხი ვართ, უბრალოდ ბაიდენის ადმინისტრაცია და ევროპა იყო დამპალი და აბა რა გვექნა, იმიტომ ვიქცეოდით უმსგავსოდ. მას შემდეგ რაც ამ დღეებში პაპუაშვილის უგრძელესი ლეღვობა წერილი წავიკითხე, დავრწმუნდი, რომ ჩემი წყაროები არ ტყუიან. ამიტომ განვაგრძობ: ამათ ილუზია აქვთ, რომ ტრამპს რაღაც “შარლ მიშელი2“–ის მაგვარ პროექტში შეითრევენ.
აი, შენ ხომ მაგარი მომლაპარაკებელი ხარ და ახლა ჩვენი კრიზისიც განმუხტე. ანუ, ოპოზიცია შემოვიდეს პარლამენტში, ჩვენ კანონს შევცვლით რომ ეს შესაძლებელი გახდეს, კიდევ ერთი ვადით დავრჩებით და მერე ოპოზიციაში გადავალთ. ამასობაში გავაკეთებთ სასამართლო რეფორმას და ბლა ბლა ბლა რაღაც სისულელეები. პარალელურად აგროვებენ ყველა სტატუსს სოციალურ ქსელებში თუ გაფაჩუნებას პროტესტის მონაწილეების და ოპოზიციის მხრიდან, სადაც არის ტრამპის კრიტიკა რომ მიართვან ტრამპს ტექსტებით: საქართველოში ვინც ჩვენს წინააღმდეგ გამოდის შენი მტერია, ჩვენ შენი მეგობრები ვართ ძმაო და დაგვტოვე რა. მაგარი ჯიგრები ვართ.
თუ ქოცპროპაგანდის მედიას გადახედავთ, პირდაპირ გამოსჭვივის ეს ყველაფერიც. უშუალოდ ქოცები ხომ ვაზელინში არიან ჩამხრჩვალი. მოკლედ, ამ ამოცანით მოძრაობენ ქოცები, თუმცა დიდი პრობლემები აქვთ: ჯერ ერთი, ტრამპს ამათთვის სულ არ სცალია და არც აინტერესებს. გარდა ამისა, ამათი კონტაქტები და გავლენა არ ყოფნის ახლო გარემოცვამდე მიღწევას. გარდა ამისა, ამათი გადამგდებობის ამბავი ყველამ იცის მთელ მსოფლიოში, თეთრი სახლის დარაჯმა და ნიუ იორკის მეტროს დისპეჩერმაც კი. და რაში უნდა აინტერესებდეს ვინმეს ამათ თავდებში ჩადგომა.
თან რას იღებს ამით ტრამპი? არც არაფერს. აქაური კრიზისი რომც მოაგვაროს მაგით ვისთან და რა ქულებს დაიწერს? და გარდა ამისა, აქაური კრიზისი ვერ მოგვარდება, თუ ქუჩაში პროტესტი არ შეწყდება და ოპოზიცია არავითარ შემთხვევაში, არავის ფეხის დაბაკუნებაზე არ შევა პარლამენტში და პირველივე მცდელობაზე ამას ცხადად დაანახებს მცდელობის ავტორს. ამ ფონზე ძალიან ცუდად ჩანს გახარიას პარლამენტში ყოფნა და პატივს თუ დაგვდებს და ეგეც გამოვა შესანიშნავი იქნება. რავი, იქნებ ფული ავუგროვოთ ბოლო–ბოლო. მოკლედ, ბევრს კი ვნერვიულობთ ჩვენს ამბებზე, მაგრამ ჩვენს ხელშია ჩვენი ბედი, სულ რომ დედამიწა ამოყირავდეს და მივაწვეთ ბოლომდე.”- ვკითხულობთ ნინო ჯანგირაშვილის პოსტში.