პროტესტის 95-ე დღეს დედაქალაქის მთავარი გამზირი კვლავ გადაკეტილია. პროევროპული აქციის მონაწილეები სამ თვეზე მეტია რუსთაველზე პარლამენტის წინ იკრიბებიან და ახალი არჩევნების ჩატარებასა და პოლიტპატიმრების გათავისუფლებას ითხოვენ. დღეს აქციაზე შეკრებილებს მსვლელობით შეუერთდნენ “დედების მარშის” მონაწილეები. “დედების მარშში” პოლიტპატიმრების დედებთან ერთად სოლიდარობის მიზნით სხვა დედებიც იღებდნენ მონაწილეობას.
თბილისთან ერთად პროტესტი გრძელდება რეგიონებშიც. აქციის მონაწილეები ოცნების ხელისუფლების პრორუსულ პოლიტიკას აპროტესტებენ და ქვეყნის ევროპული მომავლის დასაცავად იბრძვიან.