„ქართულმა ოცნებამ“ პარლამენტის იურიდიული კომიტეტის სხდომაზე სისხლის სამართლის კოდექსში „სამშობლოს ღალატის” მუხლის დამატებას I მოსმენით მხარი დაუჭირა.
სამშობლოს ღალატად ჩაითვლება სისხლის სამართლის კოდექსით გათვალისწინებული რომელიმე ისეთი ქმედების ჩადენა, როგორიცაა:
ტერიტორიული ხელშეუხებლობის დარღვევა;
ანტიკონსტიტუციური ხელშეკრულების დადება ან მოლაპარაკების წარმოება;
საქართველოს საგარეო უშიშროების ხელყოფა;
უცხოეთის სადაზვერვო სამსახურში შესვლა;
საქართველოს თავდაცვისუნარიანობის ხელყოფა, სახელმწიფო საიდუმლოების გაცემა;
ჯაშუშობა;
შეთქმულება ან ამბოხება საქართველოს კონსტიტუციური წყობილების ძალადობით შესაცვლელად;
საბოტაჟი ან უცხო ქვეყნისათვის, უცხოეთის ორგანიზაციისთვის ან უცხოეთის კონტროლს დაქვემდებარებული ორგანიზაციისთვის მტრულ საქმიანობაში დახმარება.
პასუხისმგებლობა განისაზღვრება სისხლის სამართლის კოდექსში ზემოჩამოთვლილი დანაშაულისთვის გათვალისწინებული მუხლით, სამშობლოს ღალატის მუხლზე მითითებით.