რუსეთის საგარეო საქმეთა სამინისტროს ოფიციალური წარმომადგენელი მარია ზახაროვა გაკვირვებულია, რომ აშშ-ს პრეზიდენტმა, დონალდ ტრამპმა და ვიცეპრეზიდენტმა, ჯეიდი ვენსმა “გაძლეს” და უკრაინის პრეზიდენტს, ვოლოდიმირ ზელენსკის შეხვედრის დროს “არ ჩააზილეს”.
ამის შესახებ ზახაროვა თავის Telegram-არხზე წერს.
“როგორ გაძლეს ტრამპმა და ვენსმა და ამ ნაძირალას არ ჩააზილეს – თავშეკავების სასწაულია”. – წერს ზახაროვა.
Fox News-ის თეთრი სახლის კორესპონდენტის ცნობით, თეთრი სახლი ადასტურებს, რომ დონალდ ტრამპსა და ვოლოდიმირ ზელენსკის შორის დაგეგმილი პრესკონფერენცია გაუქმდა, ხოლო მინერალების შეთანხმებაზე ხელმოწერა არ შედგა. პრესკონფერენციაზე ზელენსკიმ, ტრამპმა და ვენსმა მედიის წინ იკამათეს.
აშშ-ს პრეზიდენტის, დონალდ ტრამპისა და უკრაინის პრეზიდენტის, ვოლოდიმირ ზელენსკის შეხვედრა უპრეცედენტოდ მწვავე კამათით დასრულდა.