“ორივე მოღალატეს მეძახით” – “გიორგი შედარებით გამხდარია, ვიდრე მე” – გახარიასა და კალაძის პასუხები კითხვაზე – “რა განსხვავებაა თქვენს შორის?”

„ლელოს“ თბილისის მერობის კანდიდატმა, ანა ბიბილაშვილმა საქართველოს პირველი არხის ეთერში, გადაცემაში „დებატები 2021“ სტუმრობისას, გიორგი გახარიასა და კახა კალაძეს კითხვით მიმართა თუ რა განსხვავება იყო მათ შორის:

“კითხვა მაქვს “ქართულ ოცნებასთან” ოღონდ შეგიძლიათ აირჩიოთ, გახარია მიპასუხებს თუ კალაძე, რადგან ეს არის ერთი ძალა, რომელმაც უღალატა ადამიანებს, რა განსხვავებაა თქვენ შორის?” –  აღნიშნულ შეკითხვას პარტია “საქართველოსთვის” თბილისის მერობის კანდიდატმა გიორგი გახარიამ იუმორით უპასუხა: – “არც თქვენს შორის არ არის განსხვავება, ორივე მოღალატეს მეძახით.”

“ქართული ოცნება- დემოკრატიული საქართველოს” თბილისის მერობის კანდიდატმა კახა კალაძემ აგრეთვე იუმორით გასცა შეკითხვას პასუხი: – “გიორგი შედარებით გამხდარია, ვიდრე მე”.