სოფელ შრომას მკვიდრი ირაკლი ხურციძე გურიაში არსებულ მძიმე მდგომარეობაზე საუბრობს და შესაბამის სამსახურებს თხოვს, გზები მაინც გაწმინდონ, რომ სოფლებში მსოახლეობამ გადაადგილება და გარესამყაროსთან კომუნიკაცია შეძლონ.
როგორც ხურციძემ გადაცემა “რეაქციაში“ განაცხადა, ისინი ყვეალფერს მოწყვეტილები არიან და ხალხს რა საკვების მარაგიც ჰქონდათ, ისიც უკევ ეწურებათ.
ხურციძე ამბობს, რომ გამგებელთან დარეკვა დასახმარებლად რამდენჯერმე სცადა, თუმცა უშედეგოდ.
“მოწყვეტილი ვართ ყველაფერს, არც მაღაზიაა, ხალხს მარაგი რაც ჰქონდათ, ისიც ამოიწურა. მეოთხე დღეა ამ მდგომარეობაში ვართ. მე 2 ინვალიდი მოხუცებული მყავს სახლში და პატარა ბავშვი მყავს, მეშინია მაინც, 40-მდე სახლია დანგრეული ჩვენს რეგიონში. არიან ოჯახები, რომლებსაც შვილები თბილისში ჰყავთ და ვერ აგებინებენ, როგორ არიან.
ვრეკავდით 112-ში, ისინი გვეუბნებოდნენ სახანძრო თუ გჭირდებათ კი ბატონო, მაგრამ გზებზე გამგებელს დაურეკეთო, ისიც ან არ გპასუხობს, ან გათიშულია. ერთხელ გვიპასუხა და ტრაქტორი ნატანებიდან მოდისო და სამი დღეა არ გვინახავს ის ტრაქტორი, ფიზიკურად.
ყველამ იცოდა, პროგნოზი გამოცხადებული იყო და მომზადებულიყვნენ და ტრქატორები მოემზადებინათ, რომ გზები მაინც გაწმენდილიყო, რომ მოსახლეობას ემოძრავა, საკვები იქნებოდა თუ ექიმი. ორი მოხუცი მყავს, რომელიც თავისი ფეხით ვერ მოძარობას, რომ რამე დაემართოთ, ღმერთმა ნუ ქნას, ჩათვალეთ უკვე გარდაცვლილები არიან, რადგან სულ რომ გასკდენ ქვაზე, ფიზიკურად ვერ მოვლენ.
გზები გაიწმინდოს რამენაირად, რომ შემოვიდეს შესაბამისი სამსახურები და დაგვეხმარნენ, – განაცხადა ხურციძემ.