შშმ პირთა პანსიონატი “ბარბარე” სოციალურ ქსელში წერს, რომ მეორე დღეა დენი არ აქვთ, არსებობს სახლის სახურავების ჩალეწვის საშიშროება, ბენეფიციარები კი ძალიან რთულ მდგომარეობაში არიან.
“მეორე დღეა “ენერგო-პრო ჯორჯია” ოცდაოთხი შშმ პირი იყინება. არ არის დენი და ვერაფრით ვათბობთ ჩვენს ბენეფიციარებს.
ყოველ დარეკვაზე თქვენი ოპერატორები გვპასუხობენ, რომ მიმდინარეობს აღდგენითი სამუშაოები. მეორე დღეა ასე გვატყუებენ და ამასობაში გაგვეყინა ოცდაოთხი შშმ პირი.
მოწყვლადი ჯგუფია, ვერ გაუძლებენ ამდენი დღე სიცივეს. საშინელ დღეში არიან! გაყინულები არიან!
ლოკაცია: ოზურგეთის მუნიციპალიტეტი. დაბა ურეკი. სანაპიროს N 37.
ოზურგეთის მუნიციპალიტეტის მერია სასწრაფოდ ვითხოვთ დახმარებას. სახლის სახურავების ჩალეწვის საშიშროებაა. ვერ გაუძლებს თოვლის ამ დონის დატვირთვას და დადგება გამოუსწორებელი შედეგი. ჩაგვეხოცება 24 შშმ პირი…
უკვე მერამდენედ ვრეკავთ 112-ში და აგზავნიან საპატრულო პოლიციას. ხალხნო, საპატრულომ რა უნდა ქნას? სახურავი სახლის ერთ მხარეს უკვე დეფორმირებულია.
მაშველები და ტრაქტორი გვჭირდება…
დატრიალდება ტრაგედია. ოთახებში არიან ჩაკეტილი ბენეფიციარები, ვერ გამოდიან გარეთ…
უმორჩილესად გთხოვთ, ვისაც შეგიძლიათ, როგორც შეგიძლიათ, დაგვეხმარეთ…
მოწყვლად ჯგუფთან გვაქვს საქმე, სასწრაფოდ გვჭირდება დახმარება…” – წერია განცხადებაში.