ბათუმში, „ოცნების ქალაქის“ ტერიტორიაზე ორი ბავშვი თხრილში ჩავარდა და დაიღუპა – დაღუპული არიან 4 და 5 წლის ბავშვები.
ადგილობრივების კომენტარებიდან ირკვევა, რომ ბათუმში, ე.წ. ოცნების ქალაქში სამშენებლო სამუშაოების მეორე ეტაპი ისე დაიწყო, რომ უსაფრთხოების ზომები არავის მიუღია:
“2 ბავშვი გამოგვეცალა ხელიდან. აქ რომ მეორე ეტაპი შენდება , უსაფრთხოება არ არის დაცული , არც არასდროს ყოფილა…უნდა მოსულიყვნენ და უსაფრთხოება დაეცვათ, შემოეხაზათ გარე პერიმეტრი და შემდეგ დაეწყოთ მუშობა. ასე არ ყოფილა. ასე, რომ ყოფილიყო და უსაფრთხოება დაეცვა მთავრობას, ჩემი აზრით, ასეთი რაღაც არ მოხდებოდა” – ამბობს ერთ ერთი ადგილობრივი.