პარლამენტში, კულტურის კომიტეტის დღევანდელ სხდომაზე, სადაც ხელოვნების მუზეუმთან დაკავშირებით 2 500 მოქალაქის მიერ შეტანილ პეტიციას განიხილავდნენ ხმაური იყო.
ერთმანეთს სიტყვიერად სამოქალაქო აქტივისტი ნატა ფერაძე და ოპოზიციონერი დეპუტატი გრიგოლ ვაშაძე დაუპირისპირდნენ.
გრიგოლ ვაშაძის გაღიზიანება სამოქალაქო აქტივისტის რეპლიკას მოყვა, როდესაც ნატა ფერაძემ დეპუტატის მიერ გამოთქმულ მოსაზრებას “სისულელე” უწოდა და საკითხში უკეთ გარკვევისკენ მოუწოდა. ვაშაძემ მას ზრდილობისკენ მოუწოდა.
“რა ბრძანეთ? – ეს ვინ არი, ტო?… ქალბატონო, თქვენ, ქალბატონი რომ არ იყოთ სხვანაირად დაგელაპარაკებოდით, უპირველეს ყოვლისა, ზრდილობა ისწავლეთ და საერთოდ ქცევა ისწავლეთ. ისწავლეთ, ფეხი ჩამოსწიეთ და ისე ილაპარაკეთ. გეგონებათ ოჯახში გაიზარდეთ,“- მიმართა ვაშაძემ ფერაძეს.