ბოლო პერიოდში ლარის კურსის ცვლილებების კუთხით მნიშვნელოვანი პროცესები დაფიქსირდა. აშშ დოლართან მიმართებაში ლარი 28 ნოემბრის შემდეგ 5%-ზე მეტით გაუფასურდა. თუ ნოემბრის საანგარიშო პერიოდში 1 დოლარის ოფიციალური ღირებულება 2.74 ლარს შეადგენდა, 28 იანვრის მდგომარეობით, 2.88-მდე გაუფასურდა.
„თიბისი კაპიტალის“ მიმოხილვის თანახმად, 2025 წელს 1 დოლარის ღირებულება 2.9 ლარს მიაღწევს. თუმცა, აღნიშნული სცენარი განიხილება იმ შემთხვევაში, თუ პროცესებს თან არ დაერთო ახალი საბაზრო შოკები როგორც ქვეყნის შიგნით, ისე საერთაშორისო მიმართულებით.
ამასთანავე, დოკუმენტში საუბარია ბოლო პერიოდში ლარის მცირედ გამყარებაზეც და განხილულია ყველა ის ფაქტორი, რამაც ხელი შეუწყო ეროვნული ვალუტის დოლართან მიმართებაში გამყარებას.