facebook-გვერდმა „ჩემი ქალაქი მკლავს“ სოციალურ ქსელში გაავრცელა ინფორმაცია, რომლის მიხედვითაც, ვაშლიჯვარში უცხო ქვეყნის მოქალაქე ქალს მანქანა დაეჯახა.
„ვაშლიჯვარი – როგორც მოგვაწოდეს ინფორმაცია, უცხეთის მოქალაქე დაეჯახა ქალს ‼️
იარეთ ფრთხილად ‼️“, – აღნიშნულია პოსტში.
არსებული ცნობებით, მსუბუქი ავტომობილის მძღოლმა საჭე ვერ დაიმორჩილა და ქვეითს შეეჯახა, მანქანა კი ამობრუნდა.
დაშავებული ქალი სასწრაფო სამედიცინო დახმარების ეკიპაჟმა საავადმყოფოში გადაიყვანა.
აღნიშნულ შემთხვევასთან დაკავშირებით, გამოძიება სისხლის სამართლის კოდექსის 276-ე მუხლით მიმდინარეობს, რაც სატრანსპორტო საშუალების მოძრაობის ან უსაფრთხოების წესის დარღვევას გულისხმობს, რამაც ადამიანის ჯანმრთელობის დაზიანება გამოიწვია.