სპორტული კომენტატორი ტატო ბაციკაძე სოციალურ ქსელში ქვეყანაში მიმდინარე მოვლენებს ეხმაურება.
ბაციკაძის პოსტი მიემართება საზოგადოების იმ სეგმენტს, რომელიც წინა ხელისუფლებას ძალადობის გამო უპირისპირდება, ახლა კი ჩუმადაა.
„ქოცების“ საქართველოში ადამიანს ფასი არ აქვს. ერთი თეთრიც არ ღირს ადამიანის ცხოვრება ამათ რეალობაში…
ბოლო პერიოდში, განსაკუთრებით ბოლო თვეებში, განვითარებულმა მოვლენებმა კარგად აჩვენა, რომ ადამიანების გარკვეულ ნაწილს, სააკაშვილის რეჟიმის დროს უსამართლობასთან და ხალხის ჩაგვრასთან კი არ ჰქონდათ პრობლემა, არა, პრობლემა ის იყო, რომ მჩაგვრელის მხარეს არ იყვნენ და ეგ აბრაზებდათ, თორემ ახლა, როდესაც “ქართული ოცნება” გადაიქცა რეპრესიულ ძალად, რომელიც საკუთარ მოქალაქეებს ღიად უპირისპირდება, ცემს, ქურდავს, აჯარიმებს, ციხეში უშვებს… ამასთან დაკავშირებით პრობლემა არ აქვთ – აიფარეს ხელები თვალებზე, ყურებზე და პირზე და ასე ელოდებიან როდის გადატეხავს რეჟიმი ადამიანებს, როდის დაამყარებს საყოველთაო მონობას ქვეყანაში, რომ მერე წყნარად გამოიხედონ თვალებში და ბედნიერები იყვნენ, რადგან გარშემო მარტო თავისნაირი ლაჩარი მონები იქნებიან, ჰომო სოვიეტიკუსები…
არ მოხდა ეგ. მჯერა, რომ როგორი რთული რეალობაც არ უნდა დადგეს, მონური საზოგადოების ჩარჩოები უკვე გავარღვიეთ და შანსი არაა მამუკა მდინარაძემ ქართველი ერი დააჩმოროს და დაიმონოს, შანსი არაა მაგისი“, – წერს ის.