„საქართველოს ბანკის“ ფილიალში შეჭრილმა პირმა რამდენიმე მძევალი გაათავისუფლა.
ყვარელში „საქართველოს ბანკის“ ყფილიალში, ჭავჭავაძის ქუჩაზე, მძარცველი შეიჭრა. არაოფიციალური ინფორმაციით, ის შეიარაღებულია და ხელყუმბარა აქვს.
შსს-ის ცნობით, თავდასხმის შესახებ შეტყობინების მიღებისთანავე პოლიციის თანამშრომლებმა, მყისიერი რეაგირების რეჟიმში შემოსაზღვრეს შემთხვევის ადგილის მიმდებარე ტერიტორია. მათივე ცნობით, ამჟამად ადგილზე მობილიზებული სამართალდამცველები ატარებენ ყველა საჭირო და გადაუდებელ ღონისძიებას, ასევე მიმდინარეობს საგამოძიებო და ოპერატიული ღონისძიებები.
შინაგან საქმეთა სამინისტრო მოუწოდებს მედიის წარმომადგენლებს, დაიცვან უსაფრთხოების ნორმები და დაემორჩილონ ადგილზე პოლიციელთა მითითებებს.