ათასობით მაცხოვრებელი ტოვებს კუნძულ სანტორინს მას შემდეგ, რაც 300 მიწისძვრა მოხდა ორ დღეში – ინფორმაციას BBC ავრცელებს.
კვირას დაახლოებით 9000-მა ადამიანმა დატოვა კუნძული, სამშაბათს კი დამატებითი გადაუდებელი ფრენები იგეგმება.
კუნძულის მახლობლად ბოლო ორი დღის განმავლობაში 300-ზე მეტი მიწისძვრა დაფიქსირდა და ზოგიერთი ექსპერტის თქმით, ბიძგები შესაძლოა რამდენიმე კვირის განმავლობაში გაგრძელდეს.
სამშაბათს ათობით მიწისძვრა დაფიქსირდა ეგეოსის ზღვაში სანტორინის ჩრდილო-აღმოსავლეთით, 5 მაგნიტუდის სიმძლავრის მიწისძვრა შუადღისას მოხდა.
“ყველაფერი დაკეტილია. ახლა არავინ მუშაობს. მთელი კუნძული დაცარიელდა” – განუცხადა 18 წლის ადგილობრივმა მცხოვრებმა სააგენტო Reuters-ს გემზე ასვლამდე.