“ძვირფასო გახარიავ, მოვითხოვ… – თუ დამიმტკიცებთ რამეს, ამ საქმიანობას თავს დავანებებ” – შალვა რამიშვილი გიორგი გახარიას ეთერში იწვევს და დებატებს სთავაზობს

ტელეკომპანია “POSTV-ის” მთავარი პროდიუსერი შალვა რამიშვილი გიორგი გახარიას ეთერში იწვევს და დებატებს სთავაზობს.

“გახარიავ, ძვირფასო, მოდი ასე გავაკეთოთ, მე არ ვიცი ახლა “იმედი” მიგიწვევთ თუ არა, ისეთი არხია, ჩემთან შედარებით “დავარცხნილი”, ჩვენ ნაკლებად, სადაც პირდაპირ ვამბობთ, რომ დიახ, ეს არხი და რა თქმა უნდა, პირველ რიგში მეც, ვართ “ოცნების” გულმხურვალე მომხრე. მე ამ გუნდის, ბიძინა ივანიშვილის მხარდამჭერი ვიყავი მაშინ, როცა თქვენ საერთოდ არ იყავით პოლიტიკაში… მოდით, ამ პარასკევს ჩემთან მოდით დიდ გადაცემაში. აი, მე მოვითხოვ, რომ მოხვიდეთ და ბევრ რამეზე გვაქვს სალაპარაკო… პირველ რიგში იმაზე, რატომ შეგეშინდათ? რატომ გაიქეცით და მიატოვეთ ქვეყანა ნაცების ხელში? – ახლა რომ “ებრძვით” ნაცებს, მაშინ რატომ მიაგდეთ ეს ქვეყანა, ჩვენ ყველანი, ვინც ნაცებს ვერ ვიტანთ და არ გვინდა სააკაშვილის დაბრუნება? – ეს არის ჩემი მოწვევა, გამოწვევა. 

“იმედში” კარგი ჟურნალისტები არიან, მაგრამ ისინი მაინც ჟურნალისტობას ეცდებიან. მე ვარ ქოცი, და ძირძველი დინოზავრი ქოცის სტატუსით, ვიკამათოთ და დაგიმტკიცებთ, რომ მშიშარა ხართ, თუ თქვენ დამიმტკიცებთ რამეს, ამ საქმიანობას საერთოდ თავს დავანებებ. მოდით, ხომ ხართ მაგარი?!” – მიმართა შალვა რამიშვილმა გიორგი გახარიას.

გიორგი გახარიას თანხმობის შემთხვევაში დებატები პარასკევს, 10 სექტემებერს 20:00 საათზე “POSTV”-ზე შედგება.

შეგახსენებთ, რომ  ექს-პრემიერი, პარტია „საქართველოსთვის“ ლიდერი გიორგი გახარია ტელეკომპანია „იმედს“ მიმართავს და ნებისმიერ გადაცემაში პირდაპირ ეთერის დათმობას მოითხოვს.

https://mix.metronome.ge/20999-2/