დღეს მიმდინარე აქციებისას დაკავებული ჟურნალისტის, ნიკა კაციას სასამართლო პროცესი გაიმართა.
„პირველ რიგში, თავისუფლება მზია ამაღლობელს. სიმბოლურად ცარიელი ფურცლები წამოვიღე, ვცხოვრობ იმ ქვეყანაში, სადაც ციხიდან ცარიელი ფურცლების გამოტანასაც მიკრძალავენ. [უნდა დამეწერა] „ჩადების ღამე შსს-თან ერთად“, „რაც ჩამიდეთ, თქვენვე დაგიბრუნდებათო“. თურმე მითხრეს, რომ შეურაცხმყოფელი ფრაზები არ შეიძლება…. მთელი ცხოვრება რომ დამტოვონ ციხეში, არ ვაპირებ იგივე ვუსურვო, ბატონი ჭიტაძეს [პროკურორი] იქნება თუ სხვას. [ციხეში] დამცინიან, იცინიან ადამიანები, მოქმედებაზე, საუბარზე“, – აღნიშნა მან.
შეგახსენებთ, კაცია 7 დეკემბერს დააკავეს. პროკურატურამ მას ბრალი სისხლის სამართლის კოდექსის 260-ე მუხლის მე-6 ნაწილით წაუყენა, რაც დიდი ოდენობით ნარკოტიკული საშუალებების უკანანო შეძენა-შენახვას გულისხმობს. დანაშაული 8-დან 20-წლამდე ან უვადო თავისუფლების აღკვეთას ითვალისწინებს.