„მთავარ არხთან“ დაკავშირებული კამათი მის ყოფილ დირექტორ ნიკა გვარამიასა და კომპანიის მოწილე ზაზა ოქუაშვილს შორის გრძელდება.
გუშინ გვარამიამ დეა მამისეიშვილის გადაცემაში „ღამის მთავარი“, სხვადასხვა თემასთან ერთად, ოქუაშვილზეც ისაუბრა.
მისი თქმით, „ოქუაშვილი, როგორც აღმოჩნდა, რუსეთის მოქალაქეა და აქვს რუსული პასპორტი. გამომზეურდება ყველა პოლიტიკოსი, ვინც მას ხელს უწყობს და მასთან შეთქმულებაშია.“
გვარამიას სოციალური ქსელით გამოეხმაურა პოლიტიკოსი, ზაზა ოქუაშვილის მეუღლე, ნატო ჩხეიძე.
„მთავარი არხის” ეთერში რომ ყოჩობს ნიკა გვარამია, წამყვანს ებაქიბუქება და ნატო ჩხეიძის გვარსა და სახელს თავის გემოზე ახსენებს, მოიკრიბოს საჯარო პასუხისმგებლობა, თუ ასეთი რამ გააჩნია, ჩემთან ერთად მოვიდეს პირდაპირ ეთერში და კალმისტრის მაგიდაზე კაკუნის ხალისი სადამდე ეყოფა, იქვე გაირკვევა:))
პ.ს. გვარამია აშკარა ხედავს, რომ “მთავარ არხზე” გავლენას კარგავს და მასთან ერთად პოლიტელიტის აღთქმულ მომავალსაც…
და შესაბამისად, აჭრილია.
გაბედოს და პირისპირ დამელაპარაკოს.
იქ გამოიჩინოს თავი, თუ ბიჭია!..:))
პ.პ.ს. ცხადია, ოპოზიციური ტელემედიის ეთერს ვგულისხმობ“, – წერს ჩხეიძე.