ფონიჭალაში ჩატარებული სპეცოპერაციის დასრულების შემდეგ, ნარკორეალიზაციის ბრალდებით დაკავებულის ოჯახის წევრები ჟურნალისტებს დაუპირისპირდნენ.
ერთ-ერთი დაკავებულის ოჯახის წევრმა ტელეკომპანია “პირველის” ოპერატორს ლევან ბრეგვაძეს ავტომობილი განზრახ შეაჯახა, მაშინ როდესაც ის სამსახურებრივ მოვალეობას ასრულებდა.
“სამუშაო პროცესი იყო ჩვეულებრივად და უბრალოდ ერთ-ერთი დაკავებული გაღიზიანდა, რადგან ჩემს საქმეს ვაკეთებდი, პირდაპირ მოვიდა და მანქანით დამეჯახა, “ – ამბობს ოპერატორი.
სასწრაფო სამედიცინო დახმარების ბრიგადამ დაშავებული საავადმყოფოში გადაიყვანა, მისი მდგომარეობა სტაბილურია.