“არ ვიცი როგორ უნდა გამოვხატო… კანიც კი მტკივა” – ხატია დეკანოიძე

კორონავირუსით სიკვდილიანობის რეკორდულ ზრდას „ნაციონალური მოძრაობის“ ერთ-ერთი ლიდერი, ხატია დეკანოიძე “ფეისბუქის” პირად გვერდზე ეხმაურება:

“არ ვიცი როგორ უნდა გამოვხატო. კანიც კი მტკივა. 86 სიცოხლე. ამ დროს, ღარიბაშვილი ყეყეჩი ქალაქ-ქალაქ დადის ურცხვად.

მიუფურთხებია ადამიანებისთვის, ბიძინას უხდის მადლობას,” – წერს დეკანოიძე სოციალურ ქსელში.

ცნობისთვის, საქართველოში კორონავირუსის 3 034 ახალი შემთხვევა გამოვლინდა.

ქვეყანაში ბოლო 24 საათში 3 952 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 86 პაციენტი. აღნიშნული ინფორმაცია მთავრობის სპეციალურ ვებგვერდზე –  stopcov.ge  განახლდა.

ბოლო 24 საათში ქვეყანაში ჩატარდა 36 400 ტესტი, მათ შორის ანტიგენის სწრაფი ტესტით – 21 132, „პისიარ“ ტესტით – 15 268.

ქვეყანაში კორონავირუსის გამოვლენის დადებითობის მაჩვენებლებია: დღიური – 8,34 %, ბოლო 14 დღის – 9,72 %, ბოლო შვიდი დღის – 8,98 %.

საქართველოში კორონავირუსით ინფიცირების სულ 559 943 შემთხვევაა გამოვლენილი, მათგან 506 486 გამოჯანმრთელდა, 7 649 კი, გარდაიცვალა.

სულ აცრილია 1 259 391 ადამიანი, დღიურად აცრილია 23 518.

კარანტინის რეჟიმშია 111, სტაციონარში მეთვალყურეობას 7 210 ადამიანი გადის, კლინიკურ სასტუმროში იმყოფება 2 542 პირი.

გუშინ, 2 სექტემბერს საქართველოში კორონავირუსის 3 212 შემთხვევა გამოვლინდა, 5 017პაციენტი გამოჯანმრთელდა, 81 კი გარდაიცვალა.